{ LIFESTYLE }
29 Jan 2020
東出昌大被爆曾向長澤正美埋手 形象破產將賠6億違約金?!

東出昌大早前被爆與渡邊杏分居,更承認偷食22歲女星唐田英里佳。更離譜係東出趁住渡邊杏懷孕時出軌,更與唐田地下情足三年!事件令杏相當受傷,決心放棄東出昌大,現時獨力照顧子女。而東出亦成全民公敵,除咗被廣告商陸續抽起廣告外,更被傳媒大爆原來東出出名逢人即撩,就連長澤正美都被埋手?


據日本傳媒指出,東出昌大鍾意向合作女星埋手,本田翼、真木陽子等都曾被傳出緋聞,有人更爆出東出連女神長澤正美都撩過,絕對係名符其實嘅賤男。同時東出更被媒體發現,除咗唐田外,目前仲有同另一位女星發生關係,不過該女星身份尚未確認。事件已令東出形象破產,原本美好仕途亦毀於一旦!


東窗事發後,陸續有四間代言廣告商急忙割席,將廣告全面下架。原本紅爆日本嘅東出昌大,廣告身價一直有4千萬至5千萬日圓,現時每個廣告要賠三倍違約金,估計東出要賠接近6億日圓(約四千多萬港元)嘅天價違約金錢!



News
Feature
Blog
Load more
 
NOTIFICATION