{ LIFESTYLE }
14 Jan 2020
邱澤張鈞甯同台被問戀情進展 女神「護兵」霸氣神回?!

早前邱澤公開追求張鈞甯,可惜女方並無答應,後來更正面回應同邱澤只係好友關係,請男方食咗個大檸檬。昨日兩人自拒愛事件後,首次同台出席《唐人街探案》記者會,仲被記者當面問兩人現在嘅關係,搞到男方超級尷尬!

係記者會上,邱澤同張鈞甯並肩而坐,有記者趁機追問二人關係:「想問一下現在的發展怎麼樣?」邱澤聽到即時呆咗唔識反應,一臉尷尬別過頭,氣氛僵到頂點。

張鈞甯回應片段

幸好張鈞甯轉數極快,諗咗一陳決定用《唐人街探案》中嘅台詞回應記者:「果然我不掌握用量,那無色無味的迷魂水你喝得不夠多是嗎?再給她一箱!」高EQ嘅回應化解原有嘅尷尬氣氛,記者都識趣無再追問,而邱澤原本蹦緊嘅表情都漸漸放鬆,在場所有人都佩服張鈞甯轉數超快,成功保留男方面子。



News
Feature
Blog
Load more
 
NOTIFICATION