{ LIFESTYLE }
29 Jan 2020
蔡少芬閨密入廚賀新春 二人年輕惺惺相惜!

蔡少芬(Ada)與陳法蓉(Monica)踏入鼠年實行搞搞新意思,齊齊大煮兩度賀年菜,跟大家拜年。兩位相識逾20載的好閨密,難得首次共同下廚,即「針鋒相對」笑料百出,當中Ada更大爆Monica大派「檸檬」拒絕跟他兒子張樂兒上契。現身煮場的Ada與Monica表現有板有眼,無論洗丶切、煎、炒皆無所不曉,絕對係「美貌與廚藝並重」,當中自誇「煮咩都OK」的Ada,透露閒時經常入廚,就連囡囡返學的飯盒、點心均由她一手準備,但自從兒子出世後,忙於照顧兒子,才疏於入廚。

除了「針鋒相對」,其實Ada與Monica亦有曬溫馨的一面,Ada透露當年參選港姐時,曾在髪型屋撞見Monica,這是她們第一次遇見,Ada說:「當時陳法蓉已經係港姐冠軍、雍容華貴嘅大明星,而我只是其中一位參選佳麗,點知轉頭有個髮型師走埋嚟同我講『有人讚你靚喎!陳法蓉讚你!』我開心到幾晚瞓唔着。」




提到她們第一次合作出埠到台灣,在Monica眼中,Ada是不停做運動,就算得幾級樓梯,她都刻意行上行落,而Ada眼中Monica,是個很懂照顧人的女仔,Ada謂:「佢全程幫我翻譯國語,我心諗『點解會有一個心哋咁好,又咁靚嘅女仔』。」Ada與Monica又憶述03年合作大陸劇《水月洞天》,當時大家的粉絲在網上互鬧,Monica指:「我啲粉絲鬧Ada做『冇飯食嘅排骨』,而佢啲粉絲鬧我做『匿喺濛鏡後嘅老妖怪』,之後我哋拖住手同啲粉絲講,其實我哋真係Friend,跟住先再冇互罵。」


News
Feature
Blog
Load more
 
NOTIFICATION